Gjatë regjistrimit të paradokohshëm të popullsisë në Indonezi, në ishullin Smatra është zbuluar një grua e cila pohon të ketë 157 vjet, ka thënë zyrtari i Statistikave të këtij vendi Jhony Sardjono.

Regjistruesit besojnë se është e mundshme që Turinah vërtetë është e lindur më 1853. Gruaja më e vjetër në botë, që ishte më e njohura, ka qenë francezja Jeanne Calment, e cila ka ndërruar jetë më 1997, në moshën 122 vjeçare.

“Nuk ka dokumente autentike që mund të dëshmojnë moshën e saj, por në bazë të deklaratave të saj dhe duke marrë parasysh moshën e vajzës së saj të birësuar, e cilat tani ka 108 vjet, është shumë vështirë që të vihet në dyshim”, ka deklaruar zyrtari Sardjono.

Turinah edhe sot e kësaj dite punon rreth shtëpisë dhe gjatë tërë jetës së saj ka pirë duhan. ”Përkundër moshës, ka memorie të shkëlqyer, shikim të mirë dhe nuk ka kurrfarë probleme me veshët. Gati rrjedhshëm e flet gjuhën holandeze”, ka shtuar Sardjono, transmeton agjencia Ina.

Një grua tjetër u ka thënë regjistruesve se Turinah ka 145 vjet.