Kuzhinieri maqedonas Lupco Gievski ka zgjedhur fasulen, si mjetin e duhur me të cilën ai do të tentojë të thyejë rekordin e Guinessit. Kuzhinieri nga Maqedonia do të vendosë një kavanoz prej 4 tonësh me plot 3 450 litra ujë, në të cilin më 8 gusht do të fillojë zierja e fasuleve. Sipas medieve maqedonase, kavanozi do të prezantohet më 22 qershor në Shkup, dhe më pas do të transferohet në fshatin Sarçievë të Shtipit, nga ku do të ndizet atmosfera me zierjen e mbi 300 kg fasule. Për të thyer rekordin e vendosur më parë, duhen 326 kg fasule, 2 610 litra ujë, dhe produkte tjera të nevojshme. Deri tani rekordin për zierjen më të madhe të fasules e mban një gru i studentëve nga SHBA-ja, që kishte zier 1.2 ton fasule. Në ceremoninë për pritjen e rekordit të ri të Guiness-it pritet të marrin pjesë edhe zyrtarë nga Organizata Ndërkombëtare Guiness World Records.