Shakira ka thënë se performanca e saj në ceremoninë e hapjes së garave të Kupës së Botës në futboll ka qenë një përvojë ‘emocionuese’.
Këngëtarja këndoi himnin “Waka Waka (This Time For Africa)” gjatë ngjarjes e cila u zhvillua më 10 qershor dhe ka thënë se kurrë nuk do ta harrojë këtë paraqitje që i bëri prindërit e saj të qajnë.

“Ka qenë e mahnitshme... një prej momenteve më të paharrueshme – jo vetëm për karrierën time, por për jetën time. Ishte shumë emocionuese”.

“Mendoj se vetë fakti që Kupa e Botës po zhvillohet në Afrikë, e bën atë diçka shumë të veçantë. Afrika e Jugut është një vend që ka aq shumë histori dhe ishte një prej momenteve të cilat jam e sigurt se kurrë nuk do t’i harroj”, ka thënë Shakira.