Sipas nënës së të ndjerit Michael Jackson, fëmijët e tij janë të gatshëm të ndjekin hapat e babait, pasi që Prince Michael (I dhe II) dhe Paris janë të gatshëm të shfaqin talentin e tyre në muzikë.
Nëna e Jackson, e cila sipas testamentit të superyllit është kujdestarja e fëmijëve, sheh shenja të qarta në fëmijët e talentuar, se ata kanë një të ardhme të ndritur.

“Parisit i pëlqen piano dhe ajo gjithashtu dëshiron të bëhet aktore…Prince ka gjithashtu shumë talent, ai është shumë i talentuar në kamera dhe elektronikë. Ai dëshiron të bëhet kameraman dhe skenarist. Prince Michaelit II i pëlqen të luajë me lodrat, sepse ai është ende i vogël. Ai di të vallëzojë”, u shpreh nëna e Jackson në përvjetorin parë të vdekjes së Mbretit të muzikës pop.