New York, 4 korrik - Pa kaluar një javë e plotë, albumi i fundit i rap - këngëtarit amerikan, Eminem “Recovery” ka arritur të shitet në 1 milion kopje vetëm në Amerikë. Mirëpo, kjo nuk është e tëra. Siç raportojnë agjencitë e lajmeve në SHBA, këngët e këtij albumi janë duke zënë majat e top listave amerikane dhe kjo po vazhdon të shpërndahet në gjithë botën. Ndërkohë që videospoti i tij i fundit i këngës “Im not alone”, si një këngë e vetme është shitur në 5.7 milionë kopje për dy javë. Vetë këngëtari thotë se e ka pritur këtë sukses, pasi për ta realizuar këtë album ka punuar më se 2 vjet. Albumi i Eminemit përfshin 11 këngë, ku ka edhe disa bashkëpunime me këngëtaren Pink, Rihana dhe shumë këngëtarë të tjerë.