Los Angeles, 6 korrik - Për Lady Gagan kurrë nuk ka qenë problem të dalë në ballinë, por me sjelljen e saj në javët e fundit ka ngritur pluhur të konsiderueshëm mediatik. Është larguar nga stadiumi Yankees në New York, pasi që në zhveshtore është zhveshur, duke u përpjekur t’i afrohet ish të dashur të Madonnas, Alex Rodriguez.

Pak më vonë, Gaga është puthur para fotografëve me mikeshën e saj. Po qëndronte me të në jaht dhe kur vuri re se paparacët po e fotografojnë, mikesha u ul mbi të dhe filluan të puthen, transmetojnë mediet botërore.

Miqtë e yllit kontrovers thonë se sjellja e saj është pasojë e ndërprerjes së lidhjes me të dashurin një muaj më parë. Këngëtarja 24-vjeçare ishte në lidhje me Matthey Williamsonin, për më shumë se një vit.

“Matthey ndjente se është më pak i rëndësishëm se karriera e Gagas. Ishte shumë i dashuruar me të dhe dëshironte të martohej. E luti të ngadalësonte pak me punën për t’u kujdesur më shumë për veten, por kurrë nuk e dëgjoi”, deklaroi një burim i afërt me çiftin.