Los Angeles, 16 korrik – Angelina Jolie vlerëson se do të ishte spiune e keqe pasi që është gënjeshtare e keqe. Aktorja, e cila në filmin e saj të ri “Salt” luan agjenten e CIA-s të akuzuar se është spiune ruse, thotë se mund të ruaj sekretet, por nuk gjendet “me anën tjetër të vërtetës”.

“Mund të ruaj sekretet, por nën presion jam gënjeshtare e keqe”, ka pranuar Jolie. Aktorja e njohur ka theksuar se atë si spiune shumë lehtë do ta zbulonin.

Në filmin që do të paraqitet në kinematë amerikane më 23 korrik, Jolie luan agjenten e CIA-s, Evelyn Salt, besnikëria e së cilës do të gjykohet nën akuzat se është spiune ruse. Detyra e saj është të dëshmojë pafajësinë e saj.