Rona Nishliu duket se shumë shpejt do të na befasojë me diçka të bukur. Këtë e ka thënë ajo vetë në faqen e saj në ‘Facebook’, duke u bërë thirrje fansave të bëhen 6 000 sish para se ajo të na shfaqë befasinë. Ndërkohë, albumi i ri i grupit “NewPorn” përmban një këngë me Rona Nishliun, e titulluar “Milioner”, transmeton ballkanWeb. Këto ditë Rona është e angazhuar në mbrëmje të shumta muzikore. Në një prej tyre është fotografuar me dy shoqet e saj kolege, Vesa Lumën dhe Teuta Kurtin. Të tria “flakareshat” kanë bërë një fotografi bashkë, duke kujtuar edhe këngën e përbashkët “Flakareshë”, me të cilën janë paraqitur në festival në Tiranë. Kjo këngë e Aidës dhe Armend Rexhepagiqit u pati dhënë vajzave një pikë të fortë të karakterit dhe seriozitetit në muzikë. Të tria pastaj kanë vazhduar karrierën secila më e suksesshme se tjetra dhe me stilet që absolutisht i dallojnë si këngëtare.