Paris, 20 tetor - Në raportin më të ri për Indeksin e Lirisë së Shtypit në botë, të organizatës Reporterët pa Kufij, Kosova është radhitur në vendin e 92-të. Nga vendet e rajonit, Serbia është e 85-ta, Bosnjë e Hercegovina e 47-ta, Mali i Zi i 104-ti, Maqedonia e 68-ta, ndërsa Kroacia në vendin e 62- të. Indeksi vjetor i Reporterëve pa Kufij e pasqyron shkallën e lirisë që gazetarët dhe mediat e kanë në çdo vend të botës, si dhe përpjekjet e autoriteteve për ta siguruar këtë liri. Lista me vlerësimet për 178 shtete, e pasqyron situatën me lirinë e shtypit për periudhën shtator 2009 shtator 2010.
Kosova, sipas raportit të kësaj organizate vjet ndodhej në vendin e 75-të listës që pasqyron lirinë e shtypit, për të zbritur tash në vendin e 92-të, kurse Shqipëria vjet ishte në vendin e 85-të, ndërkaq sivjet ka rënë në vendin e 80-të.
Në listën e 178 vendeve, për liri shtypi prijnë gjashtë vende me numër të njëjtë pikash “ndëshkuese” – zero: Finlanda, Suedia, Norvegjia, Islanda, Zvicra dhe Holanda.

Sipas këtij raporti, Ruanda, Jemeni e Siria u janë bashkuar dhjetë vendeve më represive për gazetarët, kurse Kuba ka dalë nga ky grup për herë të parë. Në fund të listës ndodhen Irani, Turkmenistani, Koreja e Veriut dshe Eritreja.Faleminderit për rekomandimin