Mitrovicë, 26 tetor – Kur Serbia të bëhet anëtare e Bashkimit Evropian, gjasat tona janë shumë më të mëdha, meqë do të forcojmë grupin që nuk mbështet pavarësinë e Kosovës, i ka thënë KiM radios Sekretari i Shtetit në Ministrinë për Kosovën të qeverisë së Serbisë, Oliver Ivanoviq.

Duke komentuar procedimin e kandidaturës serbe Komisionit Evropian për të hartuar mendimin, Ivanoviq është shprehur se ky është një lajm i mirë meqë Serbia duhet të forcohet në kuptimin politik që të ruajë sovranitetin e vet territorial.

“Serbia e fortë dhe e njohur evropiane, e integruar, Serbia që është e fuqishme në kuptimin ekonomik, do të jetë e fuqishme edhe politikisht dhe vetëm si vend i tillë mundet seriozisht të angazhohet për njerëzit e vet, pavarësisht nëse jetojnë në Serbi ose në rajon”, ka vlerësuar Ivanoviq.

Çdo përpjekje tjetër që këtyre fuqive që i kemi dhe me këtë situatë të keqe ekonomike t’u kundërvihemi të fuqishmëve që kanë qëndrim tjetër kundruall statusit të Kosovës, paraprakisht do të ishte i dënuar me mossukses, ka shtuar ai.

Ivanoviq ka theksuar se statusi i Kosovës do të zgjidhet më herët ose më vonë pa marrë parasysh atë që është “një zgjidhje kalimtare”.

“Fatkeqësisht për këtë zgjidhje kalimtare janë shumica e vendeve të BE-së, por në atë moment kur të bëhemi anëtarët të Bashkimit Evropian, mendoj se gjasat tona janë shumë më të mira sepse do të forcojmë atë grup që nuk mbështet pavarësinë e Kosovës”, ka thënë Ivanoviq.