Zyrtarët e lartë të qeverisë së Kosovës dhe të Serbisë polemizuan sot rreth gjendjes në veri të Kosovës. Gjatë debatit në qendrën mediale në Cagllavicë, zëvendëskkryeministri Hajredin Kuçi dhe sekretari shtetëror serb Oliver Ivanoviq ballafaquan qëndrimet diametralisht të kundërta për gjendjen e serbëve në atë pjesë. EULEX-i ndërkohë, paralajmëroi klimë të re politike pas shpalljes së opinionit të GJND-së....

Hajredin Kuçi, zëvendëskryeministër i Kosovës, i ka quajtur sulme kriminale dhe atak ndaj institucioneve të Kosovës sulmet e fundit në veriun e Mitrovicës. Në debatin e organizuar sot me temën, “Siguria dhe perspektivat në veri të Kosovës”, zv/kryeministri Kuçi ka thënë se Qeveria e Kosovës ka obligim ligjor vendosjen e rendit dhe të ligjit në gjithë territorin e Republikës së Kosovës, duke mos përjashtuar asnjë mjet legjitim për këtë cështje. Ndërkaq, sa i përket bisedimeve të paralajmëruara teknike Prishtinë-Beograd, Kuçi tha se mund të bisedohet për shumë tema, por kurrsesi për pavarësinë e Kosovës.

Olliver Ivanoviq, sekretar në Ministrinë për Kosovë në Qeverinë e Serbisë, tha se Serbia kurrë nuk do ta pranojë pavarësinë e Kosovës dhe legjitimitetin e isntitucioneve të saja në veri të Kosovës. Ai hodhi poshtë akuzat se gjendja e sigurisë në veriun e Kosovës është jostabile dhe tha se duhet të pak kohë për qetësi deri në fillimin e bisedimeve teknike Prishtinë-Beograd.

”Për të pasur stabilitet në Mitrvoicë duhet të vendosim ne qytetarët e saj, dhe jo ndonjë plan nga Prishtina. Për ne janë legjitime zgjedhjet e mbajtura nga Serbia dhe njerëzit e zgjedhur nga këto zgjedhje. Duhet pak kohë për qetësi derisa të kemi b siedmiem pas vendimit të GJND-së.”, tha Ivanoviq.

Ndërkaq, Roj Riv, zëvendës i shefit të misionit të EULEX-it, tha se Eulexi po i bën përgatitjet për fillimin e punës së gjykatës në veriun e Mitrovicës ku presin të zgjidhen mbi 50 mijë lëndë. Ai poashtu tha se pas vendimit të GJND-së do të krijohet klimë tjetër politike që do të jet rezultat i bisedimeve teknike.

“Pas 22 korrikut do të krijohet mjedis tjetër politik, ku Kosova dhe Serbia do të diskutojnë çështje praktike, ku hyjnë edhe doganat dhe policia që janë në kompetenca të Eulexit” ,tha Riv.

Debati në qendrën mediale në Caglalvicë u organizua nga Rrjeti Kosovar për Veprim Strategjik.