A dëshiron të jesh afër Allahut?

Titulli: A dëshiron të jesh afër Allahut? Thu Oct 01, 2009 8:25 am

A dëshiron të jesh afër Allahut?

1. A dëshiron të i jesh afër All-llahut?

I Dërguari i All-llahut [sal-lallahu alejhi ve sel-lem] ka thënë: "Njeriu më afër Zotit të vet është atëherë kur është në sexhde, andaj luteni Allahun."

2. A dëshiron ta arrish kënaqësinë All-llahut?

I Dërguari i All-llahut [sal-lallahu alejhi ve sel-lem] ka thënë: "Me të vërtetë All-llahu kënaqet më një njeri që pas ngrënies së ushqimit falënderon All-llahun, dhe pas pirjes së ndonjë lëngut falënderon Allahun."

3. A dëshiron që lutjet tuaja të pranohen?

I Dërguari i All-llahut ka thënë: "Lutja e cila bëhet mes Ezanit dhe Ikametit nuk kthehet boshe."

4. A dëshiron që të shpërblehesh sikur të kishe agjëruar gjithë vitin?

I Dërguari i All-llahut [sal-lallahu alejhi ve sel-lem] ka thënë: "Agjërimi i tri ditëve në çdo muaj është e nyejt si të agjërosh tërë vitin."

5. A dëshiron vepra të mira sa kodërat?

I Dërguari i All-llahut [sal-lallahu alejhi ve sel-lem] ka thënë: "Kush merr pjesë në xhenaze deri sa t'i falët xhenazja ka shpërblim sa një "KIRAT". Ndërsa ai i cili edhe e përcjell xhenazen deri sa të varroset ka shpërblim sa dy "KIRATA". Sahabet [radijallahu anhum] e pyetën se ç'është KIRAT. U përgjigj i Dërguari i All-llahut [sal-lallahu alejhi ve sel-lem]: "Kirati është sa një kodër e lartë dhe e madhe."

6. A dëshiron të jesh shoqërues i të Dërguarit të All-llahut [sal-lallahu alejhi ve sel-lem] ?

I Dërguari i All-llahut [sal-lallahu alejhi ve sel-lem] ka thënë: "Unë dhe ai që kujdesët për jetimin në xhenet jemi si këta dy, - duke sinjalizuar për dy gishtat.

7. A dëshiron shpërblimin e muxhahidit, apo falësit dhe agjëruesit që nuk pushojnë?

I Dërguari i All-llahut [sal-lallahu alejhi ve sel-lem] ka thënë: "Kujdestari i të vejave dhe të varfërve, është sikurse muxhahidi në rrugën e All-llahut, apo si falësi dhe agjëruesi që asnjëherë nuk pushojnë."

8. A dëshiron që të kesh dobi nga veprat e tuaja edhe pas vdekjes?

I Dërguari i All-llahut [sal-lallahu alejhi ve sel-lem] ka thënë: "Nëse vdes biri i Ademit i ndërpriten të gjitha veprat përpos tre veprave: Lëmosha e cila vazhdon dobia e saj, dituria e dobishme dhe fëmiu i devotshëm, i cili bënë dua për atë."

9. A dëshiron të të lehtësohet një breng e botës tjetër?

I Dërguari i All-llahut [sal-lallahu alejhi ve sel-lem] ka thënë: "Ai që ia lehtëson një besimtarit një brengë të kësaj bote, All-llahu do t'ia lehtësojë një nga brengat e botës tjetër."

10. A dëshiron që të të mbulohen turpet?

I Dërguari i All-llahut [sal-lallahu alejhi ve sel-lem] ka thënë: "Ai, që ia mbulon turpet e një muslimani, All-llahu do t'ia mbulojë turpin edhe në këtë botë edhe në botën tjetër."

11. A dëshiron të jesh bashkëshortja më e mirë?

I Dërguari i All-llahut [sal-lallahu alejhi ve sel-lem] ka thënë: "Bashkëshortja më e mirë është ajo, e cila kur e shikon të gëzon, kur e urdhëron të dëgjon dhe respekton, e kur largohesh dhe mungon nga ajo, e ruan pasurinë tënde dhe vetveten e saj."

12. A dëshiron të jesh më i përsosuri në Besim (Iman)?

I Dërguari i All-llahut [sal-lallahu alejhi ve sel-lem] ka thënë: "Besimtari me iman të plotë është ai që sillet në mënyrë më të moralshëm dhe ai që sillet mirë me familjen e tij."

13. A dëshiron të mos jesh i pafat?

I Dërguari i All-llahut [sal-lallahu alejhi ve sel-lem] ka thënë: "I pafat është ai, që bëhet rob i dinarit, i dërhemit, i kadifes, dhe i rrobave. I cilit kur i dhurohet diçka kënaqet e kur nuk i dhurohet, hidhërohet."

14. A dëshiron që All-llahu ta lehtësojë gjendjen?

I Dërguari i All-llahut [sal-lallahu alejhi ve sel-lem] ka thënë: "Ai, që të varfrit ia lehtëson gjendjen, Allahu do t'ia lehtësojë (atij gjendjen) në këtë botë dhe botën tjetër."

15. A dëshiron që të të ndihmojë All-llahu?

I Dërguari i All-llahut [sal-lallahu alejhi ve sel-lem] ka thënë: "All-llahu gjithherë do t'i ndihmojë robit të Tij, derisa robi i Tij e ndihmon vëllaun e vet."

16. A dëshiron që All-llahu mos të jetë i zemëruar me ty?

I Dërguari i All-llahut [sal-lallahu alejhi ve sel-lem] ka thënë: "Me respektimin e prindërve arrihet kënaqësia e All-llahut, dhe zemërimi i All-llahut arrin me zemërimin e prindërve."

17. A dëshiron furnizim të bollshëm dhe jetë të gjatë?

I Dërguari i All-llahut [sal-lallahu alejhi ve sel-lem] ka thënë: "Kush dëshiron t'i japë All-llahu rrisk (furnizim) të bollshëm dhe jetë të gjatë e të begatshme, le të kujdeset dhe le ta vizitojë farefisin e tij."

18. A dëshiron të posedosh një thesar të xhenetit?

I Dërguari i All-llahut [sal-lallahu alejhi ve sel-lem] ka thënë: "La haule ve la kuvete il-la bil-lah (shqip: Nuk ka mundësi e as fuqi tjetër pos All-llahut) është thesar prej thesareve të xhenetit."

19. A dëshiron shpërblim sikur të kishe fal namaz tërë natën?

I Dërguari i All-llahut [sal-lallahu alejhi ve sel-lem] ka thënë: "Kush e falë namazin e Jacisë me xhemat ka shpërblim sikur të ishte falur gjysmën e natës, kurse kush e falë namazin e sabahut me xhemat ka shpërblimin sikurse të kishte falë namaz tërë natën."

20. A dëshiron ta lexosh një të tretën e kuranit për 1 minutë?

I Dërguari i All-llahut [sal-lallahu alejhi ve sel-lem] ka thënë: "Surja "Ihlas" (Kul huvallahu Ehad) është një e treta e Kuranit."

Përgatiti: Abdyl Fuga

Ju lutemi shperndajeni per hater te Allahut, Allahu ju shperbleft (amin).

Gjithashtu per artikuj tjer mund te na vizitoni ne web faqen www.sinqeriteti.com

» 99 emrat e allahut
» Unë i jam robëruar vetëm Allahut
» Emrat dhe Cilesite e Allahut xh.sh.
» SHKAQET E NDIHMËS SË ALLAHUT
» Të jesh fëmija i vetëm i një familjeje

A dëshiron të jesh afër Allahut?

A dëshiron të jesh afër Allahut?

Similar topics

Similar topics