Këngëtari shqiptar me famë botërore Frederik Ndoci është një ndër artistët e rrallë që nuk u dorëzua, megjithë sfidat qe i solli jeta.

Përplot suksese, prezantime dinjitoze dhe vlerësime ndër më të lartat, ai me te drejte cilesohet si legjenda e gjallë të këngës.

Në në intervistë ekskluzive dhënë Portalit “Zhurnal”, Frederik Ndoci ka treguar se ndihet i lumtur kur Shqiperia njihet nepermjet tij:
''Të gjithë artistët edhe ato që nuk jetojnë do të donin të vazhdonin punën për rritjen e aftësive dhe automatikisht edhe të famës, sigurisht që është kënaqësi që bota të njohë Shqipërinë edhe nga një artist, për shembull në Japoni është një vajzë japoneze që në Facebook-un e saj shkruan për këngëtarin e saj të preferuar Frederik Ndoci, ajo ka hapur edhe Klubin me emrin tim ku ka me qindra-mijëra fansa etj. Në Kinë po ashtu, në të gjithë boten... Unë assesi nuk kam ndërmend të vdes pa i kënaqur të gjithë pambarimisht''.

Ndoci, qe aktualisht eshte i angazhuar ne spektaklin televiziv, ''Kenget e shekullit'', ka bere te ditur per Zhurnal, se pas spektaklit e pret nje tjeter pervoje nderkombetare:
''Pas këtij projekti kam një kontratë me Australinë për një periudhë tre mujore, pra në muajin Shkurt nisem për atje''.