Vajza e këngëtarit të mirënjohur shqiptar që jeton në SHBA, Frederik Ndoci, ka zbuluar në një emision televiziv amerikan se ajo ka abuzuar me drogë që nga mosha 14 vjeçare.
Klea Ndoci sot është 19 vjeçare dhe është vajza e prindërve të ndarë, Frederik Ndoci dhe gruas së tij të parë, Dëshira.
Në një paraqitje në televizionin TLC, u zbulua se videot ku shihet Klea duke abuzuar me drogë janë klikuar me mijëra herë në YouTube.
Faktin shokues e shton vetë Klea, e cila ka pohuar abuzimin e saj me drogë, ndërsa kujdestarja e saj Flodia rrëfeu jetën e vështirë të vajzës së prindërve të ndarë.
“Gjithkush nga ne është i dëshpëruar në jetë dhe kërkon të gjejë shpëtim në mënyra të tjera.
U tjetërsova madje dhe në moralin tim, sa arrita në një pikë sa nuk mund të bëja as gjërat më normale të jetës së përditshme, nuk flija, nuk ushqehesha, dhe nuk mundja të laja as dhëmbët.
Isha aq shumë e përfshirë sa mendoja se nëse nuk do e merrja një ditë, patjetër do të vdisja.
Ishte e tmerrshme ta provoje, por tani jam këtu t’u them se qenka e mundur t’i thuash stop drogës!”, u shpreh Klea.