Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: KQZ: Rahovec, deri ora 11 kanë votuar 8.23% Sun Nov 21, 2010 10:10 pm | |
|  Komisioni Qendror Zgjedhor ka bërë të ditur se në zgjedhjet e jashtëzakonshme për kryetar të Komunës së Rahovecit deri në orën 11:00 kanë votuar 8.23 për qind e njerëzve me të drejtë vote.
Ndërkohë, koalicioni i OJQ-ve vendore “Demokracia në Veprim”, që po monitoron zgjedhje në komunën e Rahovecit, ka paraqitur evidentime të problemeve në fillim të nisjes së votimit, siç është ai në fshatin Ratkoc, ku është ndërprerë votimi për një orë, pas një mosmarrëveshje mes komisionerve të partive dhe vëzhguesve.
Po ashtu, “Demokracia në Veprim” ka njoftuar se janë identifikuar 23 raste të votimeve familjare në Krushë të Madhe, në Hoçë të Vogël dhe në Ratkoc, një rast të votimit publik në Denj dhe vendosjen e dy posterëve të subjekteve politike në një qendër votimi në Drenoc.
Zgjedhjet në Rahovec, hapen vendvotimet
Komisioni Qendror Zgjedhor në konferencën e parë për shtyp ka konfirmuar se ashtu siç ishte planifikuar, në orën 7:00 janë hapur të gjitha vendvotimet për Zgjedhjet për kryetar të Komunës së Rahovecit.
Është bërë e ditur se janë hapur gjithsej 71 vendvotime në 34 qendra, ndërsa të drejtë votimi kanë mbi 49 mijë votues. Këto zgjedhje do t’i monitorojnë 965 vëzhgues, prej tyre 47 janë vëzhgues ndërkombëtarë.
Qytetarët e Rahovecit do të votojnë në zgjedhjet e jashtëzakonshme për kryetarin e Komunës për njërin prej kandidatëve të cilët janë: Xhelal Canziba (PDK), Luljeta Kadiri (LDD), Smajl Latifi (AAK), Ibrahim Kryeziu (LDK) dhe Rexhep Oruqi (AKR).
|
|
