Autori | Mesazh |
---|
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:43 pm | |
| TRI KOHË
Koha e parë:
Te molla e egër
Nëna korrte grurë
Dhe lutej t’u bie epidemia langonjve
Të mos na e grabisin bukën e re.
Koha e dytë:
Dasmat ktheheshin në vdekje
Këmishët në flamuj gjaku
Liria s’shihej nga terri.
Të burgosurve ua hapnin qelitë
Ata nuk dilnin
Sepse nuk shihej drita
Koha e tretë:
Bishat e Karpateve me dhëmbë ujku
Me bishta ndër këmbë u kthyen
Dhe fituan trashtë e surles
Ende po lehin të uritur
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:43 pm | |
| UDHËTIMI NËPËR NATË
Në një udhëtim nëpër natë
Pashë e çka nuk pashë
Te liqeni i vogël
Dëgjoja krrokatje zhabash
Në baltën e terur në breg
Gjarpinjtë pritnin viktimën
Të rrahet e rrapeve
Kuja e dhelprave thyente heshtjen
Para e pranë shpellave
Pupla zogjsh e flatra të dallëndysheve.
Nëpër livadhet e thata
Disa kuaj pa fre
Lodronin me patkonj prej hekuri
Dhe m’i thyenin lulet e para.
Kulla ime
Me oxhakun deri te retë
Dëshmon qëndresën dhe rri
Pranë diellit për dritë.
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:44 pm | |
| E DI SE JAM VONUAR
Eja me kohë biri im
Më thoshte nëna
E unë
E nisja lojën me flutura
Dhe s’e mbaja fjalën.
Kurrë mos ec nëpër natë
Territ nuk i zihet besë
Më thoshte
E di
Nënë e di
U vonova
Sepse i shkrova pak vargje
Për ty dhe për dritën
I thosha asaj
Sa herë vonohesha |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:45 pm | |
| ZOGJTË E LIRISË
Mëmë Shqipëri
Kosovë ta ruajmë
Dheun shkëmbin diellin
Ta bëjmë betimin
Sepse jemi shqiptarë
Nëpër flakë e nëpër zjarre
Gjithmonë të gjallë
Kurrë të vrarë
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:45 pm | |
| SHQIPJA E DRITËS
Kur për shkak të moshës nuk mund të vraposh, ec shpejt, vetëm ec kurrë mos u ndal.
NËNË TEREZA
Nëpër tokën varr
Kufoma të gjalla
Në këtë atelie pa kulm
Jeta dhe vdekja peng.
Vrapove e kërrusur
Për t’ia kthyer botës
Buzëqeshjet vertikalisht.
Të gjitha plagët i arnove
Me vellot e bardha të nuseve
Dhimbjen e pagëzove shpresë
Vetëm ata që i vriste uria
E njohin Migjenin
Apoteozën e misrit
E dinë përmendesh
Sikur Zotit
I përkulën kafshatës.
Vetëm ata që i përtypin plagët
E njohin këtë meteor të pafikur
Që ecën vrapon e kurrë nuk ndalet
Derisa t’i dalë dhimbjes në fund
Kush më mirë se fëmijët jetimë
E ndjejnë dorën e ngrohtë
Dhe pëshpëritin: NËNA TEREZË
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:46 pm | |
| SHTIGJET E DRITËS
(Tim vëllai, Prof. Shemsedin Zogajt)
A është e jona
Kjo botë
Një grusht dhe
Një copë qiell
Apo do yje drite
T’i mbledh si lulet.
Unë jam vetëm unë
As më i gjatë se hija ime
As më i rëndë
Se një grusht dhe
As më i djegur
Se hiri i vendlindjes
Gjithmonë fyt për fyt
Me shtrigat e territ
Nëntë rrathët e Ferrit të Dantes
I ke kaluar zbathur
Sot e njëmijë vjet e ke ditur,
Se errësira s´del fare nga mallkimi
As dielli nuk nxeh me lutje
Pa shtegtim pa djersë pa gjak
E di se të dhembin ujëvarat e lotëve
Nëpër pentagramin e rrudhave
Por akordoje me zhurmën e erërave
Lahutën time të varur në mur
Lirshëm le të luhet e këndohet
Në Premierën e lirisë
Ani pse e fituam mbi prush
Ani pse e fituam mbi shkrumb
E fituam me gjak
Liria është liri
O vëllai im! |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:47 pm | |
| SHQIPJA NË HORIZONTET E BARDHA
(Mërgimtarit Zef Sokoli)
Unë jam
Sizif i gjallë
I verbuar nga dashuria
Feniks i djegur
Dhe kurrë më
As nga prushi
As nga hiri
S’u bëra
As zog
As gur
Unë jam
Zogu i diellit
Me Flamurin e Skënderbeut nën pupla
Me gjuhën e Naimit në këngë
Me lotin e Nënë Terezës në vaje
Unë kosovari i humbur
Deri në Horizontet e Bardha
Derdha lot
Kullova gjak
As memec nuk u bëra
Gjashtëdhjetë e katër vite fola me vete
Jam shqiptar i Kosovës
Atdheu im është Shqipëria.
Mbaj mjekër të gjatë
Sa një copë bjeshke
Sa një lis Pashtriku
Sepse malet më pagëzuan
Meteor drite
Me Formulën e Pagëzimit
Të përgjakur
Gjëma ime rri peng
Te Ura me harqe
Te gurra e Drinit të Bardhë
Te lisi me litarin e varur
Te oxhaku i kullës së djegur
Te shpata e përgjakur
E zvarranikëve të Karpateve
Te lapidarët e lirisë nën diell
Atdheun e lash në flak
I shkrumbuar ika
Trembëdhjetë net
Nëpër detin e trazuar
Trembëdhjetë ditë
Nëpër Ferrin e Dantes
Në mes të klithmës e vdekjes
Më pagëzuan Zef Sokoli
Titaniku i humbur
Pse ma kërkoni
Anamnezën e vrarë
Atje në Kosovën e rinuar e gjeni
Të gravuar me gjak
Në shkëmbinjtë e Kosovës
Në dheun e Shqipërisë
Betohem vetëm
Para flamurit me shkabë
Para shpatës së Skënderbeut
Te istikamet e Adem Jasharit
Tri herë betohem! |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:47 pm | |
| JETIMI I PËRLOTUR
(D.F.)
Jemi ndarë nëpër errësirë
Dhe kurrë s`më mori malli
As për babain e dehur
As për nënën e lazdruar.
Kam ikur
Si kali pa fre
Udhëve të botës
Jetim me prindër të gjallë.
I kam pirë
Lotët e mi si ujin
Vetëm helmin s’e gjeta
Mushkrit blozhdë
Në këtë moshë s’ruhen
PRANVERË E RE
Nipave: Diellit Endritit Orgesit
Me Dr.Gregoriy Hahn
Në Baidenayse
Pinim kafe
E pyeta për vendlindjen
Kurrë
Mos e kërko pranverën
Pa lule më tha.
Gabim mund ta pagëzosh
Dhe ma bëri një fotografi
Me zogjtë e këngës sime
NJË DEGË ULLIRI DHE NJË GUR
Shqiptarit nga Çamëria, Enver Kurli
Në kullën e gurit
Varur në trarët e nxirë
Një daulle e shqyer rri
Me çampare të ndryshkura.
Enverit dhinë që çalonte
Ia prenë katilët grekë
Nga lëkura e saj
Një copë e bëri çantë krahu
Me tjetrën qepi daullen e shqyer
Në çantën me lëkurë dhie
Enveri futi një degë ulliri
Një gur e një grusht dhe
Detin Jon e la me valë të tërbuara
Qershitë e lakuara deri në dhe
Në livadhin e pakositur
Plot dardha e mollë
Që dukeshin si pikturë e Da Vinçit
Në atelienë e furtunave
Duke ikur nga Çamëria
Enverit ende i kujtohen:
Hingëllima e kalit të bardhë
Gjëma kur e vranë Selmanin
Dasmat dhe vdekjet
Varret dhe djepat
Vallja dhe kënga Çame
Dheu Deti Jon dhe Çamëria
Një degë ulliri ia dha nënës
Me gjethe si krahë shqiponje
I tha ta vejë në arkë
Aroma le ta dehë në kapilare gjaku
Lotët mos t’i bien në dheun e rinuar
E babait i solli një gur
Për ta ndie zërin
E themeleve të mbetura shkret
Dhe me sy të përlotur
Ta shikojë gjeografinë e truallit.
E rëndë ishte
Ajo degë ulliri
Sa bjeshka
Sa guri
Sa dielli
Sa hiri
Sa flaka e Çamërisë
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:48 pm | |
| VALLJA ME SHAMIA PREJ FLAKE
“Po vin krushqit rrethit malit,
Rexha i nanës n`grazhd të kalit”
Popullore
Vraçi e hante frenin me dhëmbë
I ra me patkoin e ri në ballë e hingëlloi
I çoi peshë dasmorët
Kush e di nga dhimbja
Apo krenohej me patkoin vrastar
Çou Rexho, çou
Herë gjoku herë vraçi
Dasmat na i kthejnë në vdekje
Buzëqeshjet pëlcasin nga lotët
E në vallet e pakryera
Digjen shamitë prej flake
Nën krismat kur vraçi shqelmon
Për lotët e nënës
Për nusen pa dhëndër.
Për dhëndrin në grazhdin e gjokut
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:48 pm | |
| SI E NJOHA FAMILJEN ARBËRESHE
Plakun e njoha në vijat e ballit
Skalitur nga kësula e bardhë
Loken me shallin mbaruar në vegjë
Dhe opingat e lëkurës plot gërsheta
Arbëreshen e bukur e njoha
Në vallen ”Syrin e kam për nishan”
Dhe me bluzën plot me shqiponja
Kur hidhej e përdridhej si flutur
Familjen Arbëreshe e njoha
Kur e ruante gjeografinë e atdheut
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:49 pm | |
| NËNAT E PËRLOTURA
Edhe përtej shkretëtirës
Nënat
Në Lëndinën e Pikëllimit
Si tufa të zeza reshë.
Te një mur me gur bjeshke
I varin do portrete
Në korniza të zeza
Nënat i presin:
Burrat djemtë nuset
Mbesat … dallëndyshet
Nëpër asfaltin e zi
Ecin e ecin
E s’i luten as Zotit
Dhe me thonj gërmojnë
Edhe te rrapi i qarë
Edhe te lisat e prerë
Edhe te gurët e thyer
Nënave të përlotura
Kur u shërohen sytë
Kur u terën lotët |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:50 pm | |
| SHKOLLA E DJEGUR
Edhe Shota mësoi në istikame
Alfabetin e shkroi në gur
Kush tha se trupin e Gjergj Fishtës
E kanë hedhur në lumë.
Kur e varrosën Shaban Polluzhën
Nën akull dielli nxehte pishë.
Kur digjeshin shkollat
Korbat i zinte gjaku i zi.
Te shkolla e djegur
Mësuesi pa ditar
Me syze të thyera
Thirr nxënësit e ulur në hi.
Ku është Liridona Agoni Drita
Burimi Shqiponja Guri
Arbëri Arbëresha Çlirimi
Çlirimtarja Qëndresa Qëndrimi
Ti Flakon
Çka mban në duar
Pak hi po e ruaj
Mësues i dashur
Hirin e Abetares mbaj
E ti Mimoza
Pse je përgjakur kështu
Mësues
U bëra varrmihëse
Varrosa engjëj
Kam gërryer dhe me thonj
Kam mbuluar trupa me dhe
Me këta grushte të vegjël
Që vetëm ne e shkolla e djegur
Të mbijetojmë |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:50 pm | |
| NËNAT E TË PAGJETURVE
Në njërën dorë mbajnë lule
I vendosin varr mbi varr
Në tjetrën bëjnë ADN-në
E unazave të fejesës
Zinxhirëve të kromozomeve
Të shkrumbuara nëpër zjarre
Me thonj gërmojnë nën rrënjë
Atyre nën dhe u falin ledhatime
E përmallime nënash
Nënat në asnjë pranverë
Nuk ankohen për thatësi
Nëpër lumenj lotësh
Mbysin vajet dhe durimin
Në tavolinat prej guri
Mjekët bëjnë ADN-në e nuseve
Djegur në dasmat e përflakura.
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:51 pm | |
| KËPUCA BUZË DETIT
Një grua me shami ngjyrë deti
Që kishte lidhur tri nyjë në fyt
E pyeta sa larg është Otranto.
Shikoj rreth e rrotull detin
Ma përkëdheli dorën
Sikur një Nënë e trembur ofshani:
Shumë i thellë është Otranto
Dhe valët përkundnin
Këpucën numër dyzet e dy
Të djalit të saj të martuar
Me nuse Gomonën |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:51 pm | |
| ZGJIMI NË AGIMET E VONUARA
Çamëri
Je zjarr je flakë
Je gjaku që s`shter
Nga gurra Iliri
Vëllai dergjet nën lëkurën
E ogiçit të vrarë
Lisi me pesë degë të prera
Me pesë ujëvare gjaku zvarrë.
Në kullat pa dyer
Nëpër dritaret e thyera
Hyn e dalin shpendkeq
E në foletë e kukuvajkave
Rrotull janë gjarpinj të zi
Presin meny prej mish zogu
Çamëri
Zgjohu
Në agimet e vonuara
O sot o kurrë
Sepse pëlcet
Edhe orbita e diellit.
Çamëri
Zgjohu në shekullin e ri
T’i arnojmë plagët
Me nga një fanfare drite.
Për ta parë fillin e agut
Mos bëj gjumë as në terr.
Zgjohu
Zonja e rëndë Çamëri
Bëhu në orbitë rreze drite
E diellit tonë të ri |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:52 pm | |
| E KAM NJË SHTËPI
E ngrita një kullë prej guri
Të mos mbesin zogjtë
Në furtuna detesh
Kurrë s`mund të më thuash
Qyqe rremi
E kam gravuar në mermer
Adresën e shtëpisë.
Në udhë të paudhë nuk mbeta
Pragun e mora nga kulla e gjyshit
Në plasaritje betejash
Me histori të pashkelur
E KAM NJË ATDHE
E kam një shtëpi
Një shtëpi prej guri
Nga zjarri kur u dogj
Lindi prapë Flamuri
E kam një kala
Një kala prej shkëmbi
As shkrumbi as hiri
Nuk e luajnë vendi.
E kam një fole
Për zogjtë shtegtarë
Në Lladrocin rrëzë Dielli
Lule dhe behar.
E kam një Atdhe
Mbështjellë me liri
E kam një Atdhe
Atdheun tim Shqipërinë. |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:52 pm | |
| NË BUZËQESHJEN E SAJ
VASHA SY SHKRUAR
Bari me dele isha
Syshkruara u turbullonte lumin
Qengjave të etur
Prita e prita
Kur u kthjell uji
E pashë buzëqeshjen e saj
Nëpër rrjedhën e gurrës.
Shkova te Kroi i Gurit
Edhe aty buzëqeshja e saj
Më tha m´i mbaj gërshetat
Sepse dua të pi ujë
Kur ia shtrëngova me duar
M’u duk se zura ylberin.
Atëherë u turbullua
Edhe Kroi i Gurit
Djalo, më tha
Pije lotin tim të kthjelltë
Që ta shuash etjen
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:53 pm | |
| UNË DHE VASHA
Kur vasha e lanë shaminë
Në ujin e gurrës
Zemra më bëhet mal
Atëherë shndërrohem
Në blerim lulesh
Që ajo të më këputë
Që ajo të më merr erë
Gurrë kroi bëhem
Që ajo t’i lajë faqe e sy
Buzë e gushë
Dhe të buzëqeshë
E unë ta gudulis lehtë
Në sy faqe buzë e gushë
Të mos ndahemi kurrë |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:53 pm | |
| BËHEM FOTOSINTEZË DRITE
Kur të zë cunami i detit
Më thirr
Se bëhem digë prej guri
Mos të herrin furtunat.
Kur ke dhimbje
Bëhem loti yt
Në gjethet e trëndafilit
Fotosintezë drite bëhem
Kur të vriten gazi edhe loti
Më thirr të ta pushoj dhimbjen
Të ta shëroj harenë e djegur
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:55 pm | |
| DY KËNGË A DY LOT
Dy këngë
Për zogun në kafaz
Dy lule
Për vashën
Për gjergjefin e saj
Dy dhimbje
Për ty
Në burgun e pa thurur.
Dy mallkime
Për farën e keqe
Dy buzëqeshje
Për fillimin e dashurisë
Dy këngë
Shumë këngë
Asnjë pikë loti |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:55 pm | |
| BREZAT QË KËRKONIN LIRI
ANAMNEZË BURGU
Emri i babait të pushkatuar
Histori luftë beteja gjak
Baba e breza
Kërkonin liri.
Jeta e shkrehur nëpër ferr
Burgu përroskë gjaku
Gjaku oqean nga lumi i kuq
As gurrat e përgjakura nuk shterën.
I burgosuri uron
Të mos i ndryshkën prangat
|
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:56 pm | |
| BURGU
Aty nuk dihet
As fillimi
As fundi
Aty nëpër vetmi
Herë e kërkon
Biografinë e ferrit
Herë livadhet e shkreta
I mbjell me luledielli.
Në burg
As këngë zogjsh
Vetëm krrokatë shpendkeqsh
Vetëm korbat këndojnë
Aty ag e terr
Vdekja rri
Sy me sy
Me ty |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:56 pm | |
| PRAPA GRILAVE
Kur më burgosën
As nuk gjëmova
As nuk vajtova
Shikimi përbirohej
Pas grilave të ndryshkur
Kur m’i vunë prangat
Akulli nën këmbë
Si pasqyrë e thyer
Ma ruante portretin
E plagosur keq
Hermetikisht i mbyllur
Mbeta në errësirë
E sytë e mi të shkrumbuar
Kërkonin një copë diell
Kurrë s’u përkula
Prapa grilave
Qëndrova drejt
Qëndrova vertikalisht |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:57 pm | |
| ROBËRIA
Kur je rob
Kurrë mos kërko
As bukë as ujë
Sepse të mungon Liria. |
|
| |
Shaban Cakolli Forum Legend
Numri i postimeve : 6018 Data regjis. : 14/08/2010
| Titulli: Re: SHTIGJET E DRITËS”-LIMAN ZOGAJ Sun Aug 22, 2010 6:57 pm | |
| SIZIFI GURI DHE SHKRETETIRA
Sizif
Merre një guri në qafë
Nga ato piramide të thyera
Dhe vëre në maje të shkretëtirës
Edhe Detin e Zi
Kaloje në stilin “dallëndyshe”
Sizif
Me guri në qafë
As hero i shkretëtirës
As dallëndyshe e balsamosur mbi valë
Zog i ngrirë në stinë.
Ky është fillimi
I fundit tënd tragjik |
|
| |
Sponsored content
| Titulli: Re: SHTIGJET E DRITËS”-LIMAN ZOGAJ | |
| |
|
| |
| SHTIGJET E DRITËS”-LIMAN ZOGAJ | |
|