Balerini dhe koreografi i suksesshëm në Itali, Ilir Shaqiri, në prag të edicionit të dytë të “Dancing with the stars-Albania”, rrëfen sfidën e re që e pret.

Duke folur per konkurrentët e një viti më parë,ai permend edhe “gabimet” e shpeshta të dy anëtarëve të tjerë të jurisë, për shkak të vlerësimeve, sipas simpative dhe jo teknikave të baletit.

''Spektakli ''Dancing with the stars'' është shumë i rëndësishëm në Shqipëri dhe në botë. Vip-at do jenë të tjerë dhe emocionet do jenë padiskutim të ndryshme. Sfida ime është ajo që publiku shqiptar të kënaqet sa më shumë, duke kuptuar diçka më shumë nga aftësia e VIP-ave në kërcim'', ka thene Shaqiri per ''Mapo''.

Fakti se spektaklin e kaluar e fitoi një mik i tij, ate nuk vuri ndonjëherë në vështirësi, apo përballë komenteve jo pozitive, pasi siç thotë vetë ai, Oni u pelqye edhe nga publiku:
'' Oni Pustina përveç fizikut, karakterit dhe përmirësimit konstant që pati në çdo stil kërcimi, mori dhe pëlqimin e votat e publikut. Nuk mund të vija në lojë reputacionin tim si artist, për çmimin, apo jo, të askujt. Baleti merret vetëm me meritë.''. Nderkohe, ai nuk ka lene pa permendur edhe konkurrenten nga Kosova, Genta Ismajli, e cila ishte velresuar shume edhe nga publiku per performancat e saj.

''Oni dhe Genta Ismajli ishin shumë të përgatitur si interpretues të çdo stili,'' ka perfunduar Shaqiri.