Tokio – Fabrika japoneze e birrës “Saporo” njoftoi se ka lëshuar në shitje një sasi të kufizuar për herë të parë në botë të birrës nga malti i elbit, i ruajtur për pesë muaj në Stacionin Ndërkombëtar Kozmik.
Kjo birrari ka kryer një eksperiment me ruajtjen e elbit në kozmos gjatë vitit 2006, së bashku me Akademinë e Shkencave të Rusisë dhe Universiteti Okajama, me qëllim që të shqyrtojë mundësinë e furnizimit të Stacionit në Orbitë me burimet e veta ushqimore.
Birra e pazakonshme, me emrin, “Birra Kozmike Saporo”, u paraqit në treg në sasi të kufizuar me 250 paketime nga gjashtë shishe, të shpallur në sajtin Izvestia.ru
Birra mund të blihet vetëm përmes faqes së Internetit, me çmim 10.000 jen (më pak se 75 euro) për paketim. Të gjitha të ardhurat nga shitja do të shkojnë për bamirësi.