Ministri i Mbrojtjes së Finlandës, Jyri Hakamies gjatë një vizite në Kosovë ka vlerësuar proceset e arritura në vendin tonë, duke thënë Kosova ndodhet në rrugë të drejtë dhe të qëndrueshme.

Pas një takimi që ka zhvilluar të shtunën me komandantin e KFOR-it gjeneral major Erhard Buhler, ministri Hakamies ka bërë të ditur për vendimin e vendit të tij që të reduktojë trupat paqeruajtëse nga 50 në gjithsej 20.

Hakamies: Do të mbajmë 20 paqeruajtës
“Dëshirojmë të përgëzojmë për situatën e tanishme paqja është e qëndrueshme. Do të mbajmë këto diku nja 20 paqeruajtës që do të vazhdojnë me punën e tyre, mirëpo thashë që KFOR-i është një tregim suksesi dhe është një shembull se edhe nëse puna e paqeruajtëse është shumë sfiduese, Kosova është shembull se mund të arrij rezultate përkundër vështirësive”, ka thënë Hakamies.

Ndërsa IIkka Kanerya ish-ministër i Jashtëm i Finlandës, i cili ka propozuar njohjen e Kosovës në fillim të 2008-së, dhe tash deputet në Parlamentin e Finlandës, ka theksuar se Kosova është në një rrugë të drejtë dhe të qëndrueshme.

Kanerya: Progresi po vazhdon në një rrugë të qëndrueshme

“Është kënaqësi prej secilit prej nesh që të kemi mundësi të flasim, është një moment i mrekullueshëm kur kupton se progresi po vazhdon në një rrugë shumë të qëndrueshme. E dini se Kosovën e kemi shumë për afër zemrës dhe veçanërisht ne Finlanda po mundohemi të kontribuojmë në përparimin që po arrihet në Kosovë si një shtet i pavarur”, ka thënë Kanerya.

Nga ana tjetër, komandanti i KFOR-it, gjeneral major Erhard Buhler ka çmuar përkushtimin e Finlandës për këto 11 vjet në Kosovë.

Buhler: E çmoj përkushtimin afatgjatë të Finlandës

“I kam thënë ministrit finlandez që e çmoj përkushtimin afatgjatë për Kosovën të Qeverisë së Finlandës dhe Armatës së Finlandës tash që 11 vjet. Ata po kontribuojnë me forcat gjithmonë kanë qenë një partner i besueshëm i KFOR-it dhe deri tash kanë qenë kombi udhëheqës në grupin qendror në luftës që e quajmë ne”, ka thënë Buhler.

Ndryshe, KFOR-i në fillim të këtij viti ka reduktuar trupat nga 15 mijë në 10 mijë trupa. Vendimi për reduktimin e trupave është bërë konform gjendjes së sigurisë në vend. /S.Shkodra/