Shkatërrimi i njeriut ndodhet në tri gjëra: stomakun, epshet dhe gjuhën.

Shpifja vepron më shpejt ndaj besimtarit sesa lebra ndaj lëkurës

Tre janë tiparet e atij që donë të duket: aktivizohet shumë ndër njerëz, bëhet përtac kur ndodhet vetëm dhe dëshiron të lavdërohet në të gjitha situatat.

Tre janë tiparet e hipokritit: kur flet gënjen, kur i besohet zhgënjen, kur premton shkel.

Tri janë shenjat e përtacit: vonon derisa neglizhon, neglizhon derisa çon dëm dhe çon dëm derisa mëkaton

Shenjat e injorantit janë: të fyen kur e shoqëron dhe të shan kur e braktis; të mban borxhli nëse të jep diçka dhe tregon mosmirënjohje nëse i jep diçka; të tradhton nëse i beson një sekret e të akuzon (për tradhëti) nëse të tregon një sekret. Bëhet mosmirënjohës, i ashpër dhe i vrazhdë nëse është i pasur, mohon haptas mirësitë e Allahut nëse është i varfër; e tepron kur është i lumtur dhe humbet shpresat kur trishtohet; gajaset kur qesh dhe bulurin kur qan. Injoranti shan të përzotshmit; as nuk e don e as nuk e respekton Allahun; as nuk druhet prej Tij e as nuk e kujton. Ai të lavdëron me tepri nëse ia bën qejfin dhe do të akuzon për gjëra që s'i ke nëse nuk ia bën.

Shenjat e ndershmërisë janë katër: besnikëria, besimi në premtimin dhe ndëshkimin Hyjnor, mbajtja e fjalës dhe shmangia e hiles.

Shenjat e imanit janë butësia, inteligjenca dhe turpi.

Shenjat e sabrit janë katër: durimit para fatkeqësive, vendosmëria në vepra të mira, modestia dhe mëshira.

Shenjat e të sinqertit janë katër: gjykon drejt, i nënshtrohet së vërtetës, pëlqen për njerëzit atë që pëlqen edhe për vete dhe nuk shtyp kurrë askënd.

Shenjat e atyre që duan të duken janë: punon fort nëse dikush e sheh dhe bëhet përtac kur është vetëm; kërkon lavdërimin e të tjerëve në çdo veprim dhe mohon (meritat e të tjerëve) për t'u dalluar.

Katastrofat duhen pritur kur mëkatarët bëhen prijës, prijësat bëhen shërbëtorë dhe gjynahqarët respektohen.

Ecja e nxituar ia largon bukurinë besimtarit.

Jini të butë me fisnikun që është ulur (në rang), të pasurin që humb (pasurinë) dhe të diturin që bie në duar të injorantëve

I mallkuar qoftë ai që ua ngarkon telashet e tij të tjerëve.

Engjëjt e qiejve dhe të tokës mallkojnë atë që jep fetva pa dije.

Ai që bën si i varfër do të bëhet i varfër.

Pas idhujtarisë, gjëja më e rëndësishme për të cilën jam paralajmëruar është debati i ndezur.

Kush mashtron, lëndon ose gënjen një musliman nuk është prej nesh.

Më besimtarët ndër ju janë më të sjellshmit.

Arshi Hyjnor lëkundet dhe Allahu zemërohet sa herë që një gjynahqar lavdërohet.

Kjo dynja është burg për besimtarët dhe parajsë për jobesimtarët.

Besimtari mund të mësohet me gjithçka, përveç gënjeshtrës dhe mashtrimit.

Pikëllimi është pendim.

Heqja dorë nga keqbërja është sadaka.