Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Rahovec, PDK e LDK shpallin fitoren Mon Nov 22, 2010 8:31 am | |
|  Drejtues të shtabit zgjedhor të PDK-së në Rahovec, kanë thënë se kandidati i tyre, Xhelal Canziba, është duke i prirë garës për kryetar të kësaj komune, ndërkohë që edhe nga Lidhja Demokratike e Kosovës kanë thënë se kandidati i tyre, Ibrahim Kryeziu, ka fituar numrin më të madh të votave në këtë komunë.
Sipas shefit të shtabit zgjedhor të PDK-së, Xhemajli Haxhimustafa, informatat e para nga terreni tregojnë se kandidati i kësaj partie është fitues i garës për kryetar të komunës- raporton Express.
Ndërkohë, Koha njofton se edhe Lidhja Demokratike e Kosovës, përkatësisht funksionari i saj, Ismet Beqiri, ka shpallur fitoren e kandidatit të kësaj partie, Ibrahim Kryeziu.
Sipas Beqirit, kandidati i LDK-së ka fituar 27 për qind të votave dhe “kjo fitore tregon se LDK-ja do të jetë fituese edhe e zgjedhjeve të jashtëzakonshme nacionale të 12 dhjetorit.
Nga ana tjetër, AAK-ja përmes kandidatit të saj Smajl Latifi ka kontestuar rezultatin preliminar për zgjedhjet e jashtëzakonshme në Rahovec, duke thënë se ai ka fituar 5.205 vota, 29 vota më shumë se PDK-ja dhe kandidati Xhelal Canziba. Latifi ka kërkuar mosmanipulimin e procesit, ndërsa shtoi se informatat e shtabit zgjedhor të AAK-së janë të sakta.
|
|
