Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Arrestohen aktivistët e Vetëvendosje!, shkruanin parulla mbi billbordët e Thaçit Sat Dec 18, 2010 8:21 am | |
|  Aktivistët e Lëvizjes Vetëvendosje!, Frashër Krasniqi, Zgjim Hyseni, Valdrin Ahmeti dhe Nol Nushi, janë arrestuar të premten pasdite nga policia, derisa po shkruanin në bilbordët e PDK-së dhe liderit të kësaj partie, Hashim Thaçit, parullat “hajn”, “vjedhës” dhe “së pari ta vjedhim Kosovën”.
“Sot, më 17 dhjetor, në orët e pasdites aktivistë të Lëvizjes Vetëvendosje! ndërmorën një aksion, me qëllim të demaskimit të plotë të partisë në pushtet dhe liderit të saj në procesin zgjedhor të së dielës, me ç’rast janë shkruar parullat ‘hajn’, ‘vjedhës’ dhe ‘së pari ta vjedhim Kosovën’, në billbordat e PDK-së dhe Hashim Thacit, nëpër qytet”, thuhet në një njoftim të kësaj lëvizje.
“Në aksion e sipër, në orën 16:20, tek fontana në lagjen Ulpiana, njësitë e Policisë së Kosovës kanë intervenuar dhunshëm kundër aktivistëve duke përdorur sprej lotsjellës dhe dhunë fizike ndaj tyre”.
“Në orën 16:45 policia gjithashtu konfiskoi edhe furgonin e Lëvizjes Vetëvendosje! Lëvizja Vetëvendosje! e dënon dhunën e përdorur ndaj aktivistëve nga ana e policisë dhe intervenimin policor e cilëson si shërbim ndaj atyre që në të vërtetë e kanë thyer ligjin duke manipuluar me votën e popullit”.
|
|
