Medina
Mikë/e i/e Forum-it
Numri i postimeve : 17104
Data regjis. : 12/11/2009
Age : 34
Location : Tek Parajsa Pa Drita
 |  Titulli: Lipjan, arrestohen tre aktivistë të “Vetëvendosje” Mon Nov 29, 2010 5:32 am | |
|  Policia e Kosovës ka arrestuar tre aktivistë të Lëvizjes “Vetëvendosje” në Lipjan, deri sa ata po i ndërronin flamujt e shtetit të Kosovës me me flamuj kombëtarë- bëhet e ditur përmes një komunikate për media të Lëvizjes.
“Aktivistët e arrestuar janë: Nderim Matoshi, Astrit Fazliu dhe Qendrim Kastrati. Të lartpërmendurit u arrestuan nga dy policë civilë serbë, shumë afër stacionit policor dhe për momentin akoma janë nën arrest”, thuhet në komunikatë.
Kjo lëvizje e konsideron flamurin e Kosovës “flamur të kontrabanduar dhe të imponuar, për të cilin nuk është pyetur populli asnjëherë, andaj edhe nuk është i tij, prandaj ky aksion i Lëvizjes “Vetëvendosje” i nisur do të vazhdojë, në mënyrë që gjatë festës kombëtare, Ditës së Flamurit Kosova të jetë e dekoruar vetëm me flamuj kombëtarë”.
Ndërkohë, zëdhënësi i Policisë së Kosovës, Baki Kelani, konfirmoi për Radion Evropa e Lirë, se në Lipjan është hapur procedura ndaj tre personave, nën akuzën largim i simboleve shtetërore.
Të tre personat, të cilët sipas Kelanit, në polici kanë thënë se nuk i përkasin asnjë subjekti politik apo joqeveritar, janë liruar dhe ndaj tyre do të zhvillohet procedura e rregullt.
|
|
