Presidenti i Kosovës, Fatmir Sejdiu, tha se është angazhuar fuqishëm për zhvillimin e vendit dhe njohjen ndërkombëtare. Në fjalimin vjetor para deputetëve të Kuvendit të Kosovës, presidenti Sejdiu kërkoi nga të gjitha institucionet që të shtojnë veprimet për përmbushjen e kushteve për integrimet euroatlantike.
Ai tha se Kosova për dy vjet e sidomos në vitin e fundit ka bërë shumë që shteti më i ri në botë të përparojë në të gjitha aspektet. Sejdiu tha se gjatë peiudhës njëveçare Kosovën e kanë njohur disa shtete, ka bërë përparim ekonomik, dhe ka vënë marrëdhënie të mira me shumë shtete anekënd botës.

Ai tha se për pavarësinë e Kosvës dhe njohjen e saj nga më shumë shtete duhet të angazhohen të gjithë. Presidnti Sejdiu kërkoi nga deputetë dhe institucionet që të punohet më shumë në luftmin e krimit dhe korrupsionit, të forcohet ekonomia, ndërkohë që nga Komisioni Evropian kërkoi përkrahje që edhe Kosova të përfshihet në procesin e liberalizimit të vizave.