O Zot, të lutem,
më fal Ti!
Nëse ti Zot nuk më fal,
unë do të jem e humbur,
si në këtë botë ashtu edhe në ahiret.

O Zot, të lutem...
Ti më mëshiro,
nëse Ti, o Zot, nuk më mëshiron,
mua lumturia do të më mungon,
si në këtë botë ashtu edhe në ahiret.

O Zot, të lutem...
Në rrugë të drejtë, Ti më udhëzo!
nëse ti, o Zot, nuk më udhëzon,
do të jem e humbur përgjithmonë.

Ty të lutem, Zoti im,
më fal mua për çdo gabim,
dhe në atë botë më jep shpëtim.

O Zoti im!
Të lutem, më fal!
unë pendohem për çdo gjë,
o Zot, pendimin ma prano,
dhe në rrugë të drejtë, më udhëzo!
Të lutem Ty, më mëshiro!

Ec rrugës oj motër, ti me mbulesë!
Sepse të gjithë për ty,
oj motër do të kenë nder dhe respekt.
Oj motra ime e dashur!
të gjithë do ta kenë lakmi,
dhe shejtani do të jetë,
oj motër, larg nga ti.

Kujdes, oj motra!
për Zotin, kujdes!
Që bukurinë ta ruani,
vlerën dhe karakterin,
moralin dhe nderin,
ta kemi në këtë jetë.
sepse shpërblimi i Allahut neve na pret.

Po të dalësh në rrugë,
me veshje provokuese,
tërheqëse dhe ngacmuese,
të gjithë do të shikojnë,
e së bashku me shejtanin e mallkuar,
ty do të ngacmojnë.
E ty oj motër, shejtani të verbon,
që veten mos ta shohësh
se sa poshtë ke rënë.


Oj motra, ju lutem, të keni kujdes!
për veprat që bëni në këtë jetë.
Mbulohu oj motër!
mbulohu sa më shpejt!
sepse Allahu na shpërblen, oj motra!
pas vdekjes me Xhenet.

Zgjohu ti, o njeri!
A s’e sheh se flaka na ka hyrë?
Hiqe batanijen dhe zbulohu!
Armatose veten dhe mbrohu!

Mos e ndez luftën!
Por fike veten nga ajo.
Mos i ndez të tjerët,
por shuaje të padrejtën që të është bërë.

Nuk është zgjedhje nëse qëndron duarlidhur
fëmija i përgjakur kërkon ndihmë.
Nga ti presin t’i dalësh në krah
se mëkëmbës në tokë Allahu ty të la.

Nuk po them se jeta është në duart tua
Por ndihma është nga ti duke u kërkuar
bashkë me ndihmën e Allahut...

Kur meleku i urdhëruar
vjen shpirtin për ta kërkuar,
mos i thuaj prit
se ai nuk të ka frikë.

Përpiqu që bashkë me ajrin që liron
Ti të mira të lëshosh
çdo njeri në nevojë
me të mira ta furnizosh.

Zgjohu, se errësira ka kaluar
drita dhuratë të është ofruar,
nuk është për të pushuar
për ahiret për të punuar.

I zbritur nga Allahu për dije,
Bukuri dhe dritë, shkëlqim shkëndije,
Korniza nga ari, çdo shkronjë ka dhunti
Fletët e tij margaritarë, i tëri mrekulli.

I bukur për ta shikuar,
I ëmbël e i lehtë për ta lexuar,
I drejtë për të gjykuar
I ashpër kriminelët për t'i dënuar.

Oqean i pafund i diturisë për të mençurit
I lehtë për t'u thelluar,
arma me e fortë
armiqtë e Zotit për t'i nënshtruar.

Mrekulli në të gjitha aspektet është ky Kur’an
Ejani o shkencëtarë dhe të ditur
Se për tërë jetën
ky është planprogram.

Të lumtë ne që e kemi këtë Kur’an
Fjalët e tij të arta kanë të vetmin qëllim
Adhurim Allahut
vetëm Atij falënderim.

endohem për tokën që po pret,
Çdo gjë e përpin po sikur një det,
Kush fatin sot e ka që ta mbulojë,
Errësira e saj kudo ta rrethojë.

Më bëhet jeta e akullt,
Kur dheun e saj e kujtoj,
A thua sa ditë më kanë mbetur,
Kur nga kjo botë do të shkoj?

Një gropë për trupin tim,
Do bëhet gati, o Zoti im,
Bëje varrin tim për mua të zgjeruar,
Si një kopsht xheneti, të jetë i lulëzuar.

Më prit Tokë, se nuk kam ku të shkoj,
Jetën e berzahut nën ty e pranoj,
Në thellësinë tënde do futem në tërësi,
Më prit se do bashkohem së shpejti unë me ty.

E di që nga njerëzit do harrohem,
E di që prej jush me dhe do mbulohem,
E di që vdekja nuk ka mëshirë,
Por e lus Zotin që unë të mëshirohem.

Imani është shpresa ime,
Që më ngjall jetën time,
Këtu, në varr dhe në ahiret,
Vendi im për mua qoftë veç xhenet!

Turpi, pjesë e besimit, që të nxit në mirësi.
Nuk njeh dyer të mbyllura por jeton për Allahun.
Sa e këndshme është jeta e stolisur me turpin.
Në shekullin e shejtanit, mburojë e myslimanit.

Ditët ecin pa kthim e bashkë me to ikën edhe jeta.
Stoli e myslimanit në këtë jetë është turpi i tij.
E për atë që turpërohet për Allahun e pret një shpërblim i madh.
Kjo është një këshillë për ty oj motër, o vëlla.
Se vallahi ju dua e ju këshilloj për Allah.

Fale namazin, o musliman,
falu, Zoti që ty të don,
mos lejo që jeta ty,
pa namaze të mbaron.

Mosfalja e namazit,
na kushton me hidhërim,
namazin e kemi urdhër,
nga Allahu, Zoti ynë.

Fale namazin dhe gjeje mirësinë,
se llogaria është e rëndë,
për ata njerëz që s’kanë kujdes,
pas namazin që e kanë lënë.

Kjo botë mos t’ju mashtrojë,
ndaj namazit keni kujdes,
se kam frikë mos bëhet vonë,
kur një ditë nuk ka më kthesë.

Të gjithë ju o muslimanë,
namazit shpejt t’i përgjigjeni,
mos gaboni po ju lus,
namazin ta braktisni.

Çdo dallgë e kësaj kohe shpërndan hidhërim;
Bota për mua - një pamje që qan e një bela...
Çdo ngjarje sikur një shkak për ikje e harrim,
Mjaft me kaq, o Zot, mjafton me sa më bëre të qaj!



Horizontet qiellore, hapësirat tokësore, për mua, në mjerim;
Përfytyrimi i përgjakur i popullit tim në mendje më rri...
Trëndafilishtja e rinisë po thahet nga hidhërimi,
Kush do ta bëjë të qeshë zemrën që thërret?



U prish rinia e iku, ndjenja kombëtare u trondit;
Në zi jam, o Zot, me mjerimin e popullit tim...
Po më shuhet feja siç shuhet një dritë e shkëlqyer,
Kurrë nuk do të fashitet, kështu, loti dhe rënkimi im!



O Zot! Mjaft i hape rrugë kësaj padrejtësie!
Feja e madhe - lodër në dorë të ateizmit sot...
E drejta po i bëhet kurban dhunës së një tiranie,
Po qan për këtë gjithë populli im, o Zot!



Në një natë dhune na le, o Zot, të vetmuar;
A s'ka për ne një yll shprese, një dritë në agim?
Edhe e ardhmja e pashpresë, e vuajtur, e dhunuar...
S'e di, kaq i madh është mëkati i popullit tim?



A s'po lind mëngjesi i ndritshëm i kësaj nate të shëmtuar?
Akoma s'po duken kohët e ndritshme që do vijnë?
O Zot, dhe kësaj radhe mëshirë po s'tregove,
E ardhmja për ne - xhehennem në fatkeqësi e hidhërim!...